Discover

ឧទ្យានបុរីប៉េងហួត មានទីតាំងនៅសង្កាត់និរោធ ខណ្ឌច្បារអំពៅ រាជធានីភ្នំពេញ និងមានចម្ងាយប្រហែល ១២គីឡូម៉ែត្រពីវត្តភ្នំ។ឧទ្យានបុរីប៉េងហួតស្ថិតនៅក្នុងប្រភេទរមណីយដ្ឋានបែបកែច្នៃមួយ​ដែល​ត្រូវ​បង្កើតឡើងសម្រាប់ទទួលភ្ញៀវទេសចរចូលមកទស្សនាលេងកម្សាន្តហើយទីនោះក៏មានកន្លែងសម្រាប់ជួលធ្វើកម្មពិធីផ្សេងៗផងដែរ។​ភាព​ទាក់ទាញ​នៃ ឧទ្យានបុរីប៉េងហួត មានដូចជា​ កាជិះទូក ការ​ញ៉ាំ​អាហារ ដើរលេង​កម្សាន្ត ទស្សនា​សួនផ្កា ផឹក​កាហ្វេ សម្រាប់អ្នកចូលចិត្តថតរូបទៅទីនោះដឹងតែត្រូវម៉ាច់។

ភ្នំពេញសាហ្វារី ជាសួនសត្វមួយដែរស្ថិតនៅតាមបណ្ដោយមហាវិថីវិមានឈ្នះឈ្នះ,ភូមិព្រែកតារត្ន័ ឃុំព្រែកតាសេក ខណ្ឌជ្រោយចង្វារាជធានីភ្នំពេញ ។ហើយក៏ជាសួនសត្វដែរធំជាងគេក្នុងរាជធានីភ្នំពេញ សួនសត្វភ្នំពេញសាហ្វារី មានសត្វជាច្រើនចម្រុះគ្នារហូតដល់ប្រមាណ ៨៩ប្រភេទដែល អាចអោយអ្នក ទស្សនាបានប្លែកភ្នែក សប្បាយចិត្ត ថែមទាំងបានទស្សនានូវការសម្តែង ពិសេស ពីសត្វបួនប្រភេទរួមមាន ៖ សត្វក្រពើ សត្វបក្សី សត្វខ្លា និងសត្វអ៊ូរ៉ង់អ៊ូតង់ ជាដើម ដែលសុទ្ធសឹងតែត្រូវបានបង្ហាត់បង្រៀនដោយយកចិត្តទុកដាក់ពីគ្រូជំនាញ។